Dowladda Qatar ayaa wafdi khubaro ah u soo dirtay Soomaaliya si ay qiimeyn ugu sameeyaan mashaariic dhisme oo ay ka fulin doonaan Muqdisho iyo labada Shabeelle.

Wafdiga waxaa hoggaaminayey  madaxa farsamada ee wasaaradda howlaha guud ee dalka Qatar Eng. Axmed Alansaari, waxayna booqdeen wadooyinka Muqdisho – Jowhar iyo Muqdisho – Afgooye oo Sanduuqa horumarinta ee Qatar uu maalgelinayo dib u dhiskooda.

Wafdiga Qatar ayaa kulamo la yeeshay Ra’iisal wasaaraha xukuumadda Soomaaliya xasan Cali Kheyre, wasiirka qorsheynta, howlaha guud iyo xubno ka tirsan dowladda Soomalaiya. waxayna sheegeen inay qorsheynayaan qaabkii loo bilaali lahaa mashaariicda dhismaha wadooyinka.